(جيش الجوع)

عدد الرسائل : 2 تاريخ التسجيل : 23/03/2008

جربــــت الــــحرب ....

مو مثل حرب الجوع
غصـــة الجـــــوع ..
لكـــن تكـتل الغصـــة

ترة بحرب المدافع ...
مـــا يتـــية لـــــــرأي

كدامـــك عــــدوك ...
تكـــــدر تشخصـــــه

تكــــدر تنسحب ...
لوا هجم جيش الجوع
ويــن تــــروح ...
لمن تخلص الحصـــة

هاي أسنـــــين ...
أبوية أمعاشر الشاجور
مــا فـــــد يوم ...
مـــل ولا اخذ رخصــة

حط روحة أبطن ...
شاجور جـــر أقـــــسام
لأن من الفشك ...
رشاشــتة أمخلصــــــة

وظافانه غفـل ...
مـر بينة واحد ضـــيف
جــو عانيـــن ...
جنــة بعــــازة الكرصــه

ظل ينضح عرك...
مـــــن الخجـــل والعيـب
كل كطرة عرك ...
نضــحت ألف كصــــــــة

خل حبل الحصار ...
يصـــير حـــــبل إعــــدام

يشدون الحــــبل ...

مـــا تنتهي القصة
واحدنه ركبتة تصير ...
مــــثل الســـــيف
أذن حته الحــــــبل ...
بركانة انكصــــه
ينجر الحــــــــــبل ...
يعلة العلم مهيوب
وكل غالي علينة ...
لخاطرة انرخصــة
خل راسك عـــلم ...
خل الحــبل معكود
هيج الوطــن كال ...
وللشعـب وصـــة
أشما جروا حبلهم ...
يعلة راسك فوكة
يصير الرأس راية ...
وابد مــا تنصــة
شك الكاع موسى ..
بعصة الرحمـــن
اذأ كاع الحصـار ...
بعازة العصـــــة
كل أحنة عصـي ...
وموسى العراق يصير
يطك بينة الحصار ...
وينشطر نصــــــــــه.....

..

موضوع: رد: (جيش الجوع) الخميس أبريل 03, 2008 2:22 am

مشكور خيو

موضوع: رد: (جيش الجوع) الخميس أبريل 03, 2008 2:23 am

مشكورررررررررررررررررررررررررررررر